Велигденски базар

На 4.4.2018 година, во ООУ ,,Христијан Тодоровски Карпош”, се одржа велигденски базар, во чија подготовка учествуваа учениците  од училиштето, заедно со своите наставници.

На базарот беа изложени различни и многубројни, рачно изработени  предмети и украси, со велигденски мотиви, изработени од страна на учениците и нивните наставници, како и секакви видови домашни печива, коишто традиционално се подготвуваат за најголемиот христијански празник Велигден, а беа изработени од вредните раце на бабите и мајките на нашите ученици.

Базарот го посетија многу посетители, а средствата коишто ќе се соберат од продадените производи, ќе се наменат за хуманитарни цели.