ООУ „Христијан Тодоровски-Карпош“
Нашето училиште
Училиште исполнето со дух и топлина, постојано во чекор со новитетите во воспитно-образовниот процес. Знаејќи ја важноста на почетоците во образованието на секој млад човек, нашиот наставен кадар се труди на најдобар можен начин да ги подготви и оспособи младите за понатамошните предизвици во образованието.
Нашето училиште со години наназад е непресушен извор на многу генерации, кои значат многу не само за историјата на училиштето, туку и со понатамошните кариери дадоа голем придонес во областа на образованието, науката, културата, уметноста итн. Нашето училиште може да се пофали со современи училници опремени со компјутери, како и обучен кадар за работа со истите.
Со поставување на интернетот, се прошири и можноста за вклучување на компјутерите во наставата, во новите проекти, што нудат еден нов правец во воспитно-образовниот процес, односно користење на дигитални содржини, размена на информации и поврзување со други институции и училишта во градот и државата, а од голема важност во поново време се и многубројните еколошки активности, општествено хуманитарни активности, ширењето на мултикултурализмот, проектот за меѓуетничка интеграција, одличната соработка и поддршка од општина Карпош, БРО и МОН и другите институции во нашата држава.
Документи и протоколи за работа
Упис на првачиња 2024-25 година
Согласно Законот за основно образование (Службен весник на Република Македонија бр. 161 од 5.8.2019 година, член 59 и 60, ООУ ,,Христијан Тодоровски Карпош” – Скопје, Општина Карпош
С О О П Ш Т У В А:
Запишувањето на учениците во прво одделение започнува од 7.5.2024 година и трае до 31.5.2024 година.
Во прво одделение на основното училиште родителот е должен да го запише детето кое до крајот на календарската 2024 година ќе наполни шест години.
По исклучок, во прво одделение може да се запишат деца кои до 31.1.2025 година ќе наполнат 6 години, но по претходно барање на родителот и добиено мислење од страна на педагогот или психологот во училиштето.
Потребни документи за упис:
1. Извод од матична книга на родените на ученикот (фотокопија);
2. Лична карта од родител/старател – на увид;
3. Потврда за примени задолжителни вакцини (од надлежната здравствена установа)– останува во училиштето;
4. Потврда за орално здравје од стоматолог (се изготвува во Детски диспанзер Карпош) – останува во училиштето;
5. Потврда од офталмолошки преглед издадена од офталмолог;
6. За деца со попреченост, мислење/функционален профил од комисија за проценка на деца и младинци за дополнителна образовна, социјална и здравствена поддршка според МКФ.
7. Пријава за упис ( може да се симне од нашата веб страна или да се пополни во училиште);
Директор
_______________
д-р Мирјана Алексова
ПРИЈАВА-ЗА-УПИС-НА-ПРВАЧИЊА (4)
КОНКУРС ЗА ПРВЕНЕЦ НА ГЕНЕРАЦИЈА 2023-24 год.
Распоред на часови за 2023 2024 г за ООУ „Х.Т. Карпош“
Распоред за додатна и дополнителна настава за учебна 2023-24 г.
Новости
Избор за училишен правобранител 2024/25 год.
На ден 29.10. 2024 год. во нашето училиште се одржа избор за училишен правобранител, на кој учениците го дадоа својот глас. Петар Тодоровски беше избран за училишен правобранител, а Милан Блажески потпретседател. Честитки за нив! ...
ОСНОВЦИТЕ ОД „ХРИСТИЈАН ТОДОРОВСКИ КАРПОШ“ ГО ОСВОИЈА ФУДБАЛСКИОТ КУП ПО ПОВОД РОДЕНДЕНОТ НА ОПШТИНАТА
Во рамки од манифестацијата „Денови на Општина Карпош“ со која се одбележуваат 48 години од основање на локалната самоуправа, во битката за победничкиот трон на спортското фудбалско игралиште во Влае се сретнаа екипите од ООУ„Христијан Тодоровски Карпош“ и ООУ„Владо...
Општината ги награди талентираните ученици и спортисти
По повод одбележување на 48 годишнината од своето постоење, Општина Карпош награди 85 основци со осуммесечни парични стипендии. Меѓу наградените беа и ученици од нашето училиште. Честитки за...
ИСТОРИЈА НА УЧИЛИШТЕТО
ХРИСТИЈАН ТОДОРОВСКИ КАРПОШ
УЧИЛИШНИ ДОКУМЕНТИ
Постојано во чекор со новитетите
непресушен извор на многу генерации
современи училници
Детска химна за Карпош кој го сакаме
Дигитална интеграција во учењето
Почитувани ученици и родители,
По добиените насоки од МОН, БРО и Општина Карпош, а со единствена цел да излеземе во пресрет на нашите ученици, ООУ „Христијан Тодоровски Карпош“, Општина Карпош Скопје, Ве известува дека секој актив на наставници од I – IX одделение, подготвува база на податоци, едукативни содржини и посочени интернет сајтови кои ќе ги споделат со Вас преку платформата која е веќе во функција.
Целта на овој вид учење е да се посочат платформи кои овозможуваат пристап до содржини соодветни на возраста на нашите ученици, подобрување на дигиталната интеграција во учењето, подучувањето, пристап и учење преку отворени образовни ресурси.
Сето ова, во овој период кога децата не одат во училиште, дава поддршка на учењето базирано на ИКТ, развивање компетенции на наставниците да ги користат новите технологии за подобри резултати од наставата и наставата; подобрување и проширување на понудата на висококвалитетни можности за учење преку иновативни начини на информирање и испорака.
Сé она што го учиме на училиште, нашите ученици ќе можат со помош на овие дигитални содржини да го вежбаат во слободното дома.
Едукативно, корисно и креативно , низ разни игровни активности.
Со почит,
д-р Мирјана Алексова
Директор на ООУ,,Христијан Тодоровски Карпош,,
Општина Карпош – Скопје
Корисни линкови
